Казанская Божия Матерь

Казанская Божия Матерь

Икона Казанской Божией Матери

Казанская Божия Матерь - чудотворная икона, память которой совершается 21 июля (8 июля) и 4 ноября (22 октября).

 

Икона Казанской Божией Матери: история образа

Впервые икона Казанской Божией Матери явила свою чудесную силу в 1579 году, через некоторое время после покорения Казани молодым царем Иоанном Грозным. Учрежденная им Казанская епархия успешно распространяла православие на новых землях, но магометане стали оказывать этому сильное сопротивление. Случившийся в 1579 году пожар в Казанском Кремле и его округе был ими расценен как гнев «русского Бога». Именно в это время для укрепления Православия в Казани была явлена милость Божия через чудесное обретение иконы Богоматери, получившей по этому случаю наименование Казанской.

Девятилетней дочери стрельца Онучина Матроне, вознамерившегося поставить себе новый дом на месте пожарища, во сне явилась Матерь Божия, повелевая сообщить архиепископу и градоначальникам, чтобы они извлекли из земли Ее образ, указав и место на пепелище, где надо было копать. Словам ребенка не придали значения, поэтому Матерь Божия явилась вторично, а на третий раз девочка во сне увидела саму икону, от которой исходил грозный голос: «Если не поведаешь глаголов Моих, Я явлюсь в другом месте, а ты погибнешь». Тогда мать испуганной девочки отвела дочь к воеводам и архиепископу Иеремии, но никто не поверил словам ребенка. Наконец, мать с помощниками стала рыть по указанию дочери, но только, когда сама девочка взялась за заступ и стала копать около печи, появилась икона Богоматери, обернутая в ветхий суконный рукав. Лик иконы был ясный, будто только что написанный, нисколько не пострадавший от огня. Узнав о чуде, архиепископ с градоначальниками торжественным крестным ходом пришли на место чудесного обретения иконы и перенесли ее в церковь Николы Тульского, затем после молебна — в Благовещенский собор.

События явления и перенесения образа описал священник Никольской церкви, Ермолай, будущий митрополит Казанский и затем патриарх Московский Ермоген, мученически пострадавший за Православие в смутное время. Ему принадлежит и служба в честь Казанского образа, включая общеизвестный тропарь: «Заступнице усердная…». Он также засвидетельствовал и первые чудеса, свершившиеся во время торжества: по дороге прозрел Иосиф, бывший слепым уже три года, в самом соборе исцелился другой слепец Никита. В последствии также была замечена особая милость Богоматери через Свой Казанский образ к страждущим глазами.

Видео Казанская икона Божией Матери: история чудотворного образа

 

Русской Церковью особо почитались и два чудотворных списка с Казанского образа Божией Матери, дважды сопутствовавших русскому воинству в борьбе против иноплеменников: Московский и Санкт-Петербургский.

С первым списком связано освобождение Московского Кремля 4 ноября 1612 года (н. стиль или 22 октября по ст. стилю) от польских захватчиков во времена Смуты. Для иконы князем Дмитрием Пожарским был построен Казанский собор на Красной площади, в котором она пребывала вплоть до 1917 года.

Казанская Божия Матерь

Второй чтимый список, принадлежавший вдовствующей царице Прасковии Феодоровне, был перенесен в числе других святынь императором Петром 1 в обустраиваемую им северную столицу, где он стал одной главнейших святынь Санкт-Петербурга. В 1811 году в честь этого образа был построен знаменитый Казанский собор. С этим образом связано заступничество Божией Матери в победе над захватчиками в Отечественной войне 1812 года. Помогала Великая Заступница и в во время блокады города в Великую Отечественную Войну.

В Кашине в честь иконы Казанской Божией Матери были устроены два храма. Первый - деревянный Казанский храм впервые упоминался в 1709 году, в 1800 году на его месте была построена каменная церковь, просуществовавшая до 1934 года, когда она была приспособлена под пожарную каланчу. В настоящее время от Казанской церкви уцелел только первый ярус колокольни. Вторая Казанская церковь располагалась на территории Сретенского монастыря и была построена в 1866-1872 г.г. на средства Вончаковой А.В. К сожалению, в 1936 году величественный храм был полностью разобран и не дошел до нашего времени.

 

Акафист иконе Казанской Божией Матери

Видео Акафист иконе Казанской Божией Матери

 

Кондак 1

Избра́нной от всех родо́в Засту́пнице ро́да христиа́нскаго, покро́вом Своея́ бла́гости покрыва́ющей страну́ на́шу правосла́вную, благода́рственная пе́ния прино́сим Ти, Богоро́дице, о явле́нии чу́дныя Твоея́ ико́ны. Ты же, я́ко Всеми́лостивая, всех притека́ющих к Тебе́ Помо́щнице, заступа́й нас во всех ско́рбех и ну́ждах, беда́х и напа́стех, да зове́м Ти: Ра́дуйся, Засту́пнице усе́рдная ро́да христиа́нскаго.

Икос 1                     

А́нгел предста́тель по́слан бысть рещи́ Богоро́дице «Ра́дуйся», егда́ Бог Сло́во воплоща́шеся во утро́бе Ея́: и мы, гре́шнии, прославля́юще явле́ние чу́дныя Ея́ ико́ны и Боже́ственнаго Младе́нца Спа́са Христа́, со умиле́нием вопие́м Благода́тней:

Ра́дуйся, Богоизбра́нная Отрокови́це; Ра́дуйся, Ма́ти Бо́жия. Ра́дуйся, Цари́це Небесе́ и земли́; Ра́дуйся, све́тлое Це́ркве Небе́сныя и земны́я украше́ние. Ра́дуйся, А́нгелы чти́мая; Ра́дуйся, пева́емая от Серафи́м. Ра́дуйся, све́тлое проро́ческое сбытие́; Ра́дуйся, апо́столов похвало́. Ра́дуйся, му́ченическое испове́дание; Ра́дуйся, преподо́бных ве́нче. Ра́дуйся, пра́ведных весе́лие; Ра́дуйся, гре́шных упова́ние. Ра́дуйся, Засту́пнице усе́рдная ро́да христиа́нскаго.

Кондак 2

Ви́дящи, Всенепоро́чная, с высоты́ Небе́снаго жили́ща Своего́, иде́же с Сы́ном Твои́м в сла́ве пребыва́еши, скорбь рабо́в Твои́х в новопросвеще́ннем гра́де, я́ко гне́внаго ра́ди Бо́жия посеще́ния ве́ра Христо́ва поруга́ема быва́ет ага́рянским злове́рием, благоволи́ла еси́ яви́ти ико́ну Свою́, чудесы́ ю прославля́ющи, да утвержда́емии зна́меньми Твоея́ благода́ти, христолюби́вии лю́дие ве́рно вопию́т Бо́гу: Аллилу́иа.

Икос 2

Разуме́ние трикра́тнаго явле́ния Богома́тере му́драя отрокови́ца и́щущи, тече́ ко власте́м, пове́дающи им ди́вное явле́ние и гро́зное преще́ние: мы же дивя́щеся свы́ше да́нному отрокови́це вразумле́нию, благогове́йно вопие́м к Преблагослове́нней:

Ра́дуйся, устна́ми чи́стыми хвалу́ Бо́гови соверша́ющая; Ра́дуйся, та́йны благода́ти Бо́жия ве́рным открыва́ющая. Ра́дуйся, неве́рных сумни́тельное слы́шание. Ра́дуйся, ве́рных изве́стная похвало́; Ра́дуйся, мо́лние, неве́рных устраша́ющая. Ра́дуйся, сла́вою чуде́с Твои́х ве́рных ра́зум озаря́ющая; Ра́дуйся, ага́рянскаго злове́рия обличе́ние. Ра́дуйся, горды́ни их низложе́ние; Ра́дуйся, ве́ры христиа́нския утвержде́ние. Ра́дуйся, почита́ния святы́х ико́н освяще́ние; Ра́дуйся, скорбь на́шу в ра́дость претворя́ющая. Ра́дуйся, несумне́нною наде́ждою нас увеселя́ющая. Ра́дуйся, Засту́пнице усе́рдная ро́да христиа́нскаго.

Кондак 3

Си́ла Вы́шняго благода́тию Богома́тере умудри́ и укрепи́ отрокови́цу к иска́нию многоце́ннаго Бо́жия да́ра, и та, с ве́рою дерза́ющи о Го́споде, приступи́ к труду́ и, скры́тое в земли́ обре́тши сокро́вище святы́я ико́ны Богома́тери, ра́достно возопи́ к Бо́гу: Аллилу́иа.

Икос 3

Име́ющи благоутро́бное промышле́ние о новопросвеще́нных лю́дех гра́да Каза́ни, от пречестны́я Твоея́ ико́ны то́ки чуде́с источи́ла еси́, Влады́чице, слепы́м теле́сныма очи́ма зре́ние подава́ющи, омраче́нных же душе́вно све́том богопозна́ния и благоче́стия озаря́ющи, де́вствующим под осене́нием Твоея́ ико́ны приста́нище небу́рное да́рующи. Сего́ ра́ди зове́м Ти:

Ра́дуйся, явле́нием ико́ны Твоея́ тьму лю́тых обстоя́ний отгоня́ющая; Ра́дуйся, луча́ми чуде́с всех просвеща́ющая. Ра́дуйся, слепы́х прозре́ние; Ра́дуйся, омраче́нных смы́слом просвеще́ние. Ра́дуйся, сла́во Правосла́вия; Ра́дуйся, ти́хое приста́нище и́щущих спасе́ния. Ра́дуйся, Ма́ти целому́дрия; Ра́дуйся, покро́ве и огражде́ние де́вства. Ра́дуйся, Е́юже ликовству́ет все мно́жество ве́рных; Ра́дуйся, Ея́же ра́ди рыда́ет де́монское по́лчище. Ра́дуйся, всех христиа́н вожделе́нная Помо́щнице; Ра́дуйся, всех скорбя́щих Ра́досте. Ра́дуйся, Засту́пнице усе́рдная ро́да христиа́нскаго.

Кондак 4

Бу́рю смяте́ний и крамо́лы врага́ми воздви́гнутую в стране́ на́шей утоли́ти тща́щься блаже́нный Ермоге́н, списа́тель чуде́с Твоея́, Богома́ти, ико́ны, сле́зно пред не́ю моля́шеся и, ви́дев, я́ко во́инству правосла́вному в щит и побе́дное зна́мение Твоя́ ико́на дарова́ся, ве́рою укрепля́емый до конца́ живота́ своего́, вопия́ше Бо́гу: Аллилу́иа.

Икос 4

Слы́шавше правосла́внии во́ини открове́нную Преподо́бным Се́ргием святи́телю Арсе́нию та́йну, я́ко предста́тельством Богома́тере суд об Оте́честве на́шем преложе́н на ми́лость, ико́ну Богома́терню, я́ко зна́мя побе́дное, прии́мше, исхити́ша ма́терь градо́в ру́сских из рук супоста́т и возопи́ша Засту́пнице христиа́н:

Ра́дуйся, Ма́ти Бо́га Вы́шняго; Ра́дуйся, я́ко за всех мо́лиши Сы́на Твоего́, Христа́ Бо́га на́шего. Ра́дуйся, я́ко всем твори́ши спасти́ся в держа́вный Твой покро́в прибега́ющим; Ра́дуйся, Засту́пнице всех су́щих в ско́рбех и боле́знех. Ра́дуйся, всем моля́щимся сокруше́нным се́рдцем пред пречи́стым Твои́м о́бразом поле́зная да́рующая; Ра́дуйся, избавле́ние зол всем, невозвра́тно наде́жду иму́щим на Тя. Ра́дуйся, ти́хое и до́брое приста́нище; Ра́дуйся, ско́рая Помо́щнице. Ра́дуйся, гото́вый и те́плый покро́ве спасе́ния; Ра́дуйся, источа́ющая нам неоску́дныя ми́лости. Ра́дуйся, предваря́ющая на по́мощь; Ра́дуйся, избавля́ющая от всех бед. Ра́дуйся, Засту́пнице усе́рдная ро́да христиа́нскаго.

Кондак 5

Боготе́чная звезда́ яви́ся Твоя́, Богома́ти, ико́на, всю страну́ Росси́йскую обтека́ющая, луча́ми чуде́с Твои́х осиява́ющая всех блужда́ющих по мо́рю стра́стнаго жития́, мрак печа́лей и мглу вся́ких неду́г и скорбе́й прогоня́ющая и наставля́ющая на путь спасе́ния с ве́рою к Тебе́ притека́ющих и вопию́щих к Бо́гу: Аллилу́иа.

Икос 5

Ви́дев царь Петр, я́ко от святы́я ико́ны Богома́терни благода́тию Бо́жиею содева́ются мно́гия чудеса́, прие́млет ю в путеводи́тельницу во́инству своему́ и в день бра́ни на све́ев в щит и покро́в, и победи́в до конца́ врага́ с по́мощию Богома́тере, тем ка́мень соверше́нный во основа́ние но́ваго ца́рствующего гра́да положи́, ико́ну же Твою́ чу́дную, я́ко освяще́ние, я́ко щит и огражде́ние, в се́рдце гра́да поста́ви. Сего́ ра́ди вопие́м Пречи́стей:

Ра́дуйся, жили́ще и до́ме Христа́ Бо́га на́шего; Ра́дуйся, вмести́лище неизре́ченныя Его́ сла́вы. Ра́дуйся, гра́де одушевле́нный, при́сно ца́рствующий; Ра́дуйся, пала́то преукраше́нная. Ра́дуйся, Ра́досте градо́в и ве́сей; Ра́дуйся, непобеди́мое христиа́н в беда́х храни́лище и предгра́дие. Ра́дуйся, Це́ркве Правосла́вныя похвало́; Ра́дуйся, Ру́сской земли́ утвержде́ние. Ра́дуйся, христолюби́ваго во́инства Помо́щнице; Ра́дуйся, враго́в одоле́ние. Ра́дуйся, от бед избавле́ние; Ра́дуйся, Ма́терними Твои́ми щедро́тами всех посеща́ющая. Ра́дуйся, Засту́пнице усе́рдная ро́да христиа́нскаго.

Кондак 6

Предстоя́ще пред пречи́стым Твои́м о́бразом архиере́ев сосло́вии и вси лю́дие, мона́си и мирсти́и, пропове́дуют, Госпоже́ Богороди́тельнице, вели́кия Твоя́ ми́лости, я́ко гра́ды огражда́еши, оби́тели покрыва́еши, ве́си защища́еши, и, ве́дуще Тя вои́стинну Помо́щницу си́льну и непобеди́му, со слеза́ми прино́сят Ти моли́твы, да простре́ши к Сы́ну Твоему́ Богоно́сныя ру́ки за лю́ди Твоя́, во е́же изба́вити нас от всех бед и напа́стей, да благода́рне вопие́м Бо́гу: Аллилу́иа.

Икос 6

Возсия́вши просвеще́ние и́стинное и отгна́вши дре́вле лесть ага́рянскую во новопросвеще́нней стране́ Казанской, ны́не во всех гра́дех росси́йских све́тиши све́том чуде́с и ми́лостей: притека́ющий бо с ве́рою ко Твое́й иконе цельбоно́сней скорбе́й избавле́ние, неду́гов исцеле́ние и ра́дости вся́кия исполне́ния прие́млют, вопию́ще Тебе́ усе́рдно:

Ра́дуйся, неистощи́мый исто́чниче святы́ни; Ра́дуйся, многотеку́щая реко́ Боже́ственная благода́ти. Ра́дуйся, гре́шных с Бо́гом примире́ние; Ра́дуйся, грехо́в на́ших очище́ние. Ра́дуйся, благоче́стия Наста́внице; Ра́дуйся, в до́брых де́лех утвержде́ние и по́моще. Ра́дуйся, до́брыя обе́ты прие́млющая; Ра́дуйся, благи́м наме́рением спосо́бствующая. Ра́дуйся, злы́я начина́ния разруша́ющая; Ра́дуйся, вра́жия ко́зни расторга́ющая. Ра́дуйся, ско́рая челове́ком Помо́щнице; Ра́дуйся, ми́лость сугу́бо нам подаю́щая. Ра́дуйся, Засту́пнице усе́рдная ро́да христиа́нскаго.

Кондак 7

Хотя́щу наро́ду правосла́вному испове́дати ми́лости Преблагослове́нныя Цари́цы Не́ба и земли́ и по си́ле благода́рственная принести́ о избавле́нии его́ от наше́ствия иноплеме́нных, ди́вному хра́му, созда́нному в честь пречу́дныя ико́ны, побе́дная в дар принесе́, да вси па́мятующе ми́лость Богома́тере, спа́сшия град сей и страну́, вы́ну воспева́ют Бо́гу благода́рными усты́: Аллилу́иа.

Икос 7

Сто́льному гра́ду Росси́и свята́я ико́на Твоя́, Богома́ти, вои́стинну яви́ся блага́я Одиги́трия, я́коже дре́вле Царегра́ду: к Тебе́ бо прибега́ют лю́дие, по́мощи Твоея́ на нача́ло пути́ и дел свои́х прося́ще и благода́рственная принося́ще моле́ния пред пречи́стою ико́ною Твое́ю за избавле́ние от скорбе́й и напа́стей, Тебе́ Помо́щницу и Засту́пницу кре́пкую ве́дают. Те́мже благода́рственно вопие́м Ти:

Ра́дуйся, Росси́йския страны́ покро́ве; Ра́дуйся, Правосла́вия в ней огражде́ние и утвержде́ние. Ра́дуйся, несокруши́мый щи́те во́инов на́ших; Ра́дуйся, броне́ их неуязви́мая. Ра́дуйся, ко́зни враго́в облича́ющая; Ра́дуйся, я́ко паучи́ну их растерза́ющая. Ра́дуйся, нече́стия обличе́ние; Ра́дуйся, крамо́лы разруше́ние. Ра́дуйся, ю́ных от заблужде́ний исправле́ние; Ра́дуйся, ста́рцев утеше́ние. Ра́дуйся, душевре́дных уче́ний низложе́ние; Ра́дуйся, душеполе́зных зна́ний дарова́ние. Ра́дуйся, Засту́пнице усе́рдная ро́да христиа́нскаго.

Кондак 8

Стра́нно и сумни́тельно неве́рующим слу́шати, ка́ко от ико́ны Твоея́ то́ки благода́ти истека́ют, воня́ живо́тная благоуха́ет: мы же, ве́рующе сло́ву, рече́нному Тобо́й, Влады́чице, к первонапи́санней иконе: «С тобо́й Моя́ благода́ть и си́ла», упова́ем, я́ко и с се́ю ико́ною благода́ть Твоя́ вы́ну: те́мже благогове́йно предстоя́ще лобыза́ем ю, поклоня́емся ей, я́ко Тебе́ Саме́й су́щей, честь бо ико́ны на первообра́зное восхо́дит, и Твоя́ благода́ть се́ю ико́ною зна́мения и чудеса́ содева́ет всем с ве́рою притека́ющим к Тебе́ и вопию́щим Бо́гу: Аллилу́иа.

Икос 8

Вся бы́вши горе́, к Небе́сным взя́та, и земны́х не оставля́еши, Богома́ти, свяще́нным Твои́м предста́тельством: и́маши бо ма́тернее дерзнове́ние ко Христу́ Бо́гу на́шему. Те́мже утверди́ в ми́ре глубо́це правосла́вных житие́ и вся поле́зная всегда́ да́руй рабо́м Твои́м, да велича́юще воспева́ем Ти:

Ра́дуйся, Невмести́маго вмести́лище; Ра́дуйся, осене́нная си́лою Вы́шняго. Ра́дуйся, прозя́бшая Клас Небе́сный; Ра́дуйся, мир весь душепа́губнаго гла́да изба́вльшая. Ра́дуйся, вы́ну хода́тайствующая за род наш; Ра́дуйся, я́ко мно́го мо́жет моли́тва Твоя́ пред Сы́ном Твои́м и Бо́гом. Ра́дуйся, всех нас при Кресте́ Сы́на Твоего́ усынови́вшая; Ра́дуйся, всегда́ Ма́тернюю любо́вь к нам явля́ющая. Ра́дуйся, Хода́таице ве́чных благ; Ра́дуйся, и во вре́менней жи́зни поле́зная нам подаю́щая. Ра́дуйся, изве́стное прибе́жище на́ше во всех ско́рбных обстоя́ниих; Ра́дуйся, несомне́нное утеше́ние в печа́лех. Ра́дуйся, Засту́пнице усе́рдная ро́да христиа́нскаго.

Кондак 9

Вся́каго естества́ а́нгельскаго превы́шшая яви́лася еси́, Пресвята́я Де́во: Бо́га бо зачала́ еси́ пло́тию, Невмести́маго все́ми вмести́ла еси́ во утро́бе Твое́й, на рука́х носи́ла еси́ Нося́щаго весь мир дла́нию: те́мже, я́ко Честне́йшую Херуви́м и Сла́внейшую без сравне́ния Серафи́м велича́юще Тя, вопие́м о Тебе́ Бо́гу: Аллилу́иа.

Икос 9

Вити́я многовеща́нныя, я́ко ры́бы безгла́сныя, ви́дим о Тебе́, Богоро́дице: недоуме́ет бо всяк язы́к благохвали́ти Тя по достоя́нию, изумева́ет ум пе́ти Тя, Богоро́дице; оба́че Блага́я су́щи, приими́ и от нас арха́нгельский глас, Тебе́ вопию́щих:

Ра́дуйся, Благода́тная; Ра́дуйся, я́ко Госпо́дь с Тобо́ю. Ра́дуйся, Благослове́нная в жена́х; Ра́дуйся, обре́тшая благода́ть у Бо́га. Ра́дуйся, роди́вшая Спаси́теля ми́ру; Ра́дуйся, Ма́ти Сы́на Бо́жия. Ра́дуйся, Роди́тельнице Ве́чнаго Царя́; Ра́дуйся, израсти́вшая нам плод живота́. Ра́дуйся, освяще́нная Ду́хом Святы́м; Ра́дуйся, осене́нная си́лою Всевы́шняго. Ра́дуйся, ве́рная Рабо́ Госпо́дня; Ра́дуйся, я́ко Тя блажа́т вси ро́ди. Ра́дуйся, Засту́пнице усе́рдная ро́да христиа́нскаго.

Кондак 10

Спасти́ хотя́щи мно́гия от находя́щих зол, скорбе́й и боле́зней, чу́дную ико́ну Твою́, Богома́ти, дарова́ла еси́, ея́же ра́ди слепи́и презира́ют, хроми́и хо́дят, разсла́бленнии возстаю́т, бесну́ющиися исцеля́ются, земли́ плодоно́сие подае́тся, лю́дие от смертоно́сныя я́звы избавля́ются, гра́ды и до́мы от огня́ спаса́ются: те́мже прославля́юще Бо́га, даю́щаго нам таковы́я ми́лости, вопие́м Ему́ усе́рдно: Аллилу́иа.

Икос 10

Стена́ еси́, Богоро́дице, стране́ Росси́йстей, гра́дом огражде́ние и сла́ва, правосла́вному во́инству на враги́ укрепле́ние. Те́мже, благодаря́ще Тя, вопие́м:

Ра́дуйся, прославля́ющих Тя прославля́ющая; Ра́дуйся, не чту́щих Тя посрамля́ющая. Ра́дуйся, враго́в устраше́ние; Ра́дуйся, от наше́ствия иноплеме́нных избавле́ние. Ра́дуйся, во́инов кре́посте; Ра́дуйся, в дни бра́ни забра́ло и огражде́ние. Ра́дуйся, в дни ми́ра живоно́сный са́де, увеселя́ющий сердца́ ве́рных; Ра́дуйся, ору́жие, его́же трепе́щут де́мони. Ра́дуйся, спаси́тельный еле́й, умаща́ющий грехо́вныя ра́ны ка́ющихся; Ра́дуйся, те́плое на́ше упова́ние. Ра́дуйся, несумне́нная на́ша Наде́ждо; Ра́дуйся, ти́хое и до́брое приста́нище. Ра́дуйся, Засту́пнице усе́рдная ро́да христиа́нскаго.

Кондак 11

Пе́ние хвале́бное и благода́рственное прино́сят Тебе́, Влады́чице, припа́дающе ко иконе Твое́й и любе́зно лобыза́юще ю, дев ли́цы, под держа́вным покро́вом Твои́м ти́хое и ми́рное и́ноческое житие́ провожда́ющии, и возложи́вше на Тя все упова́ние, ра́достно вопию́т Бо́гу: Аллилу́иа.

Икос 11

Я́ко светоприе́мную свещу́, зрим Твою́ честну́ю ико́ну, Пресвята́я Влады́чице: та бо невеще́ственный огнь благода́ти Твоея́ восприе́мши, и в подо́биих ея́ но́вы возжига́ет свети́льники, прича́стны тоя́жде си́лы благода́тныя, и озаря́ет чудесы́, наставля́ющи на путь спасе́ния всех вопию́щих Ти си́це:

Ра́дуйся, Неве́сто Неневе́стная; Ра́дуйся, Богоизбра́нная Отрокови́це, Ма́ти Де́во. Ра́дуйся, до́брая Наста́внице непоро́чнаго де́вства; Ра́дуйся, Храни́тельнице ревну́ющих о чистоте́. Ра́дуйся, жен похвало́; Ра́дуйся, дев велича́ние. Ра́дуйся, вдов заступле́ние; Ра́дуйся, сиро́т призре́ние. Ра́дуйся, ни́щих Пита́тельнице; Ра́дуйся, наги́х одея́ние. Ра́дуйся, печа́льных утеше́ние; Ра́дуйся, скорбя́щих весе́лие. Ра́дуйся, Засту́пнице усе́рдная ро́да христиа́нскаго.

Кондак 12

Благода́ть да́ти восхоте́вши почита́ющим Тя с любо́вию, Богороди́тельнице, прису́щего Ти си́лу благода́тную оста́вила еси́ во святы́х Твои́х ико́нах, и́бо Боже́ственная благода́ть, спребыва́ющи тем (ико́нам), зна́мения и чудеса́ вы́ну содева́ет и душе́вных и теле́сных неду́г исцеле́ние всем с ве́рою приходя́щим подае́т Твои́ми Богома́терними непреста́нными к Бо́гу моли́твами о вопию́щих Ему́: Аллилу́иа.

Икос 12

Пою́ще Твоя́ чудеса́, бы́вшая в дре́вняя и настоя́щая времена́, хва́лим Тя, я́ко Живоно́сный Исто́чник благода́ти, я́ко неистощи́мую ре́ку чуде́с, я́ко бе́здну ми́лости и щедро́т, и все упова́ние по Бо́зе возлага́юще на Тя и в сей и в бу́дущей жи́зни, прославля́юще Тя, вопие́м:

Ра́дуйся, христиа́н непосты́дное упова́ние; Ра́дуйся, ве́рных спаси́тельное прибе́жище. Ра́дуйся, ненаде́жных наде́яние; Ра́дуйся, отча́янных спасе́ние. Ра́дуйся, ба́не, омыва́ющая со́весть; Ра́дуйся, росо́, оживля́ющая ду́ши. Ра́дуйся, боле́зней врачевство́ ско́рое и безме́здное; Ра́дуйся, от всех бед бы́строе избавле́ние. Ра́дуйся, Уте́шительнице во вся́кой ско́рби; Ра́дуйся, из глубины́ поги́бели спаса́ющая. Ра́дуйся, отра́до в день сме́рти; Ра́дуйся, еди́ная Наде́ждо и по сме́рти. Ра́дуйся, Засту́пнице усе́рдная ро́да христиа́нскаго.

Кондак 13

О Всепе́тая Ма́ти, ро́ждшая всех святы́х Святе́йшее Сло́во, приими́ ны́не ма́лое сие́ моле́ние и, вели́чия ра́ди бла́гости Твоея́ и бе́здны щедро́т Твои́х, не помяни́ мно́жества грехо́в на́ших, но испо́лни во благи́х проше́ния на́ша, подава́ющи те́лу здра́вие, ду́ши спасе́ние, избавля́ющи от вся́кия ну́жды и печа́ли и Ца́рствия Небе́снаго насле́дники сотворя́ющи всех ве́рно вопию́щих Бо́гу: Аллилу́иа.

Икос 1

А́нгел предста́тель по́слан бысть рещи́ Богоро́дице «Ра́дуйся», егда́ Бог Сло́во воплоща́шеся во утро́бе Ея́: и мы, гре́шнии, прославля́юще явле́ние чу́дныя Ея́ ико́ны и Боже́ственнаго Младе́нца Спа́са Христа́, со умиле́нием вопие́м Благода́тней:

Ра́дуйся, Богоизбра́нная Отрокови́це; Ра́дуйся, Ма́ти Бо́жия. Ра́дуйся, Цари́це Небесе́ и земли́; Ра́дуйся, све́тлое Це́ркве Небе́сныя и земны́я украше́ние. Ра́дуйся, А́нгелы чти́мая; Ра́дуйся, пева́емая от Серафи́м. Ра́дуйся, све́тлое проро́ческое сбытие́; Ра́дуйся, апо́столов похвало́. Ра́дуйся, му́ченическое испове́дание; Ра́дуйся, преподо́бных ве́нче. Ра́дуйся, пра́ведных весе́лие; Ра́дуйся, гре́шных упова́ние. Ра́дуйся, Засту́пнице усе́рдная ро́да христиа́нскаго.

Кондак 1

Избра́нной от всех родо́в Засту́пнице ро́да христиа́нскаго, покро́вом Своея́ бла́гости покрыва́ющей страну́ на́шу правосла́вную, благода́рственная пе́ния прино́сим Ти, Богоро́дице, о явле́нии чу́дныя Твоея́ ико́ны. Ты же, я́ко Всеми́лостивая, всех притека́ющих к Тебе́ Помо́щнице, заступа́й нас во всех ско́рбех и ну́ждах, беда́х и напа́стех, да зове́м Ти: Ра́дуйся, Засту́пнице усе́рдная ро́да христиа́нскаго.

 

Казанская икона Божией Матери: история обретения чудотворного образа

 

Молитвы Казанской Божией Матери: первая

О Пресвята́я Госпоже́ Влады́чице Богоро́дице! Со стра́хом, ве́рою и любо́вию припа́дающе пред честно́ю ико́ною Твое́ю, мо́лим Тя: не отврати́ лица́ Твоего́ от прибега́ющих к Тебе́, умоли́ милосе́рдая Ма́ти, Сы́на Твоего́ и Бо́га на́шего, Го́спода Иису́са Христа́, да сохрани́т ми́рну страну́ на́шу, Це́рковь Свою́ Святу́ю да незы́блему соблюде́т от неве́рия, ересе́й и раско́ла. Не и́мамы бо ины́я по́мощи, не и́мамы ины́я наде́жды, ра́зве Тебе́, Пречи́стая Де́во: Ты еси́ Всеси́льная христиа́н Помо́щница и Засту́пница. Изба́ви всех с ве́рою Тебе́ моля́щихся от паде́ний грехо́вных, от наве́та злых челове́к, от вся́ких искуше́ний, скорбе́й, бед и от напра́сныя сме́рти: да́руй нам дух сокруше́ния, смире́ние сердца́, чистоту́ помышле́ний, исправле́ние грехо́вныя жи́зни и оставле́ние прегреше́ний, да вси благода́рне воспева́юще вели́чия Твоя́, сподо́бимся Небе́снаго Ца́рствия и та́мо со все́ми святы́ми просла́вим Пречестно́е и Великоле́пое И́мя Отца́ и Сы́на и Свята́го Ду́ха. Ами́нь.

Молитвы Казанской Божией Матери: вторая

О, Пресвята́я Влады́чице Богоро́дице, Цари́це Небеси́ и земли́, вы́шшая а́нгел и арха́нгел и всея́ тва́ри честне́йшая, чи́стая Де́во Мари́е, ми́ру блага́я Помо́щнице, и всем лю́дем утвержде́ние, и во вся́ких ну́ждах избавле́ние! При́зри и ны́не, Госпоже́ Всеми́лостивая, на рабы́ Твоя́, Тебе́ умиле́нною душе́ю и сокруше́нным се́рдцем моля́щияся, со слеза́ми к Тебе́ припа́дающия и покланя́ющияся пречи́стому и цельбоно́сному о́бразу Твоему́, и по́мощи и заступле́ния Твоего́ прося́щия. О, Всеми́лостивая и Премилосе́рдая Де́во Богоро́дице Чи́стая! Воззри́, Госпоже́, на лю́ди Твоя́: мы бо гре́шнии не и́мамы ины́я по́мощи, ра́зве Тебе́ и от Тебе́ ро́ждшагося Христа́ Бо́га на́шего. Ты еси́ засту́пница и предста́тельница на́ша. Ты еси́ оби́димых защи́щение, скорбя́щим ра́дование, си́рым прибе́жище, вдо́вам храни́тельница, де́вам сла́ва, пла́чущим весе́лие, больны́м посеще́ние, немощны́м исцеле́ние, гре́шным спасе́ние, Сего́ ра́ди, о Богома́ти, к Тебе́ прибега́ем, и на Твой Пречи́стый о́браз с Предве́чным на руку́ Твое́ю держи́мым Младе́нцем, Го́сподем на́шим Иису́сом Христо́м взира́юще, умиле́нное пе́ние Тебе́ прино́сим и вопие́м: поми́луй нас, Ма́ти Бо́жия, и проше́ние на́ше испо́лни, вся бо суть возмо́жна хода́тайству Твоему́: я́ко Тебе́ сла́ва подоба́ет ны́не и при́сно и во ве́ки веко́в. Ами́нь.

Тропарь, глас 4

Засту́пнице усе́рдная, Ма́ти Го́спода Вы́шняго, за всех мо́лиши Сы́на Твоего́, Христа́ Бо́га на́шего, и всем твори́ши спасти́ся, в держа́вный Твой покро́в прибега́ющих. Всех нас заступи́, о Госпоже́ Цари́це и Влады́чице, и́же в напа́стех и ско́рбех и в боле́знех, обремене́нных грехи́ мно́гими, предстоя́щих и моля́щихся Тебе́ умиле́нною душе́ю и сокруше́нным се́рдцем пред пречи́стым Твои́м о́бразом со слеза́ми, и невозвра́тно наде́жду иму́щих на Тя, избавле́ния всех зол, всем поле́зная да́руй и вся спаси́, Богоро́дице Де́во: Ты бо еси́ Боже́ственный покро́в рабо́м Твои́м.

Кондак, глас 8

Притеце́м, лю́дие, к ти́хому сему́ и до́брому приста́нищу, ско́рой Помо́щнице, гото́вому и те́плому спасе́нию, покро́ву Де́вы: ускори́м на моли́тву и потщи́мся на покая́ние: источа́ет бо нам неоску́дныя ми́лости Пречи́стая Богоро́дица, предваря́ет на по́мощь и избавля́ет от вели́ких бед и зол благонра́вныя и богобоя́щияся рабы́ Своя́.

Велича́ние

Велича́ем Тя, Пресвята́я Де́во, Богоизбра́нная Отрокови́це, и чтем о́браз Твой святы́й, и́мже то́чиши исцеле́ния всем с ве́рою притека́ющым.

 

«Кашин Православный», с 2010 года от Р.Х. ©